الحرب المصريه الليبيه هو اسم حرب قصيره بين مصر و ليبيا إستمرت من 21 يوليه ل 24 يوليه 1977 و انتهت بإنتصار مصرى سريع بعد ما احتل الجيش المصرى مدن و مناطق فى ليبيا.
بعد تطاول الكولونيل القذافى على القياده المصريه و تدخله فى شأن مصر ،
بعد ما بدأت مصر تحضر لعمل اتفاقية سلام مع اسرائيل ، اتدهورت العلاقات بين
مصر و نظام الكولونيل فى طرابلس. فى مايو من نفس السنه اتهاجمت واتكسرت
مركز البعثات الدبلوماسيه فى البلدين ، و فى يونيه طرد القذافى حوالى ربع
مليون مصرى كانوا بيشتغلوا فى ليبيا ، و فى فعله جنونيه حشد القذافى
مظاهرات حاولت تقتحم الحدود المصريه للوصول للقاهره لعمل اضطرابات فيها
فلما اتصدى ليهم حرس الحدود امر القذافى بضرب مدينة السلوم الحدوديه
المصريه بالمدافع فما بقاش قدام القياده المصريه غير تلقينه درس فى فنون
العسكريه خاصة ان مصر كانت لسه طالعه من حرب اكتوبر ضد اسرائيل القويه
وبطبيعة الحال جيش مصر و امكانيتها بتتفوق على جيش و امكانيات القذافى. فى
21 يوليه 1977 بدئت العمليات العسكريه و المعارك على حدود البلدين و دخل
الجيش المصرى ليبيا و هاجم الطيران المصرى المطارات و القواعد العسكريه
التابعه لنظام القذافى ، لكن الرئيس السادات
ما رضييش إن مصر تحتل كل ليبيا على اساس انه بس كان عايز يدى الكولونيل
درس يوريله ان مصر اللى حاربت ضد جيش اسرائيل القوى اربع حروب فى حوالى 25
سنه مش صعب عليها انها تقهر جيشه و تحتل منطقته بسهوله ، و اتدخلت اطراف
دوليه و حصلت هدنه فى 24 يوليو 1977 و خلصت الحرب تانى يوم فى يوم 25 يوليه
1977 و انسحبت
القوات المصريه من المدن و المناطق اللى احتلتها فى ليبيا.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.